Vawiin khan Mizoram State Tobacco Control Society bul tumin Sensitization Workshop District  tina Sports Committee member te tan I&PR Auditoriumah buatsaih a ni a. He hunah hian Pu S. Laldingliana, Parliamentary Secretary chu khuallian a ni.

Pu S. Laldingliana chuan vaihloin Mizo mipuite zinga bu a khuar thuk tawh zia leh pawi zia thu sawiin khawvel a ber kan kai na pawh zuk leh hmuam kaih hnawih avanga cancer vei tamah a nih thu a sawi a. Infiammite tan phei chuan meizuk a fihlim mai piahlamah meizu bulah awm loh hrim hrim a tul a ni, a ti. Catch them young programme sorkarin a kalpui mekah naupangte sports discipline hrang hrang a training pek mek an nih thu sawiin anmahni kaihruai tu coach leh trainer te phei chu naupangte entawn theih turin zuk leh hmuam lakah fihlim ngei se a duh thu a tarlang a . Sport stadium leh khelmual ah reng reng meizuk khap tlat a nih hi chak leh zual a kenkawh a hun tawh thu Parliamentary Secretary hian a sawi lang.

Vawiin a infiam mite tana meizuk that lohzia zirhona hun Pu Zoliana Royte, Director Sports & Youth Services kaihhruaiah hian  Dr Jane R. Ralte, Nodal Officer/Project Officer, Smoke Free Mizoram chuan kalkhawmte hnenah vaihlo chungchang a hriattur pawimawh te, vaihlo in taksa a khawih pawi theih dan te, meizu bula awm thatlohna leh vaihlo khapna dan chungchangte a sawi a. Pu Vanlalsawma, President MATA leh Indian Society on Tobacco & Health (Mizoram chapter) member in thusawina hun a hmang bawk.

Vawiin workshopah hian thil tangkai hrang hrang ngaihtuahho a ni a. Chung zingah chuan kumtin mi maktaduai 5 vel thihna thlentu chu vaihlo a nih thu te; naupang sport lama tui mi in an coach leh trainer te an ngaihsan thin avanga an hmuh laia meizuk hian tih ve chakna a pek theih thu te; taksa chak lohna a thlen bakah chuap lam natna, mut lama harsatna leh cancer thleng a thlentu a nih theih dan te tarlan a ni.