Tunlai petrol leh diesel -a harsatna thleng mek chungchangah vawiin khan  Aizawl DC Pu C. Thanchhuma chuan a pisa-ah Food & Civil Supplies & Consumer Affairs Director leh Aizawl SP te kawmin  harsatna chingfel tura hmalakna tur leh khauh zawka dan kenkawh dan tur an sawi ho.
He meeting ah hian Oil Pump atanga petrol leh diesel motor 1 tana hralh chhuah theih zat te, Pump hawn hun chhung tur leh approved rate aia sanga hralh khapna thupek chhuah ni se, hei hi FCS & CA officer te leh Police ten kengkawh zuiin Oil Pump hrang hrang ngun taka vil ni se tiin an rel a. Dan zawm lova thil ti te chu man a Essential Commodities Act, 1955 hmanga hrem ni se an ti bawk.

Meeting-a thurel angin Pump atang hian zing dar 4:30 leh zan dar 10:00 inkarah chauh petrol leh diesel hralh phal a ni ang a, hemi hun chhung bakah chuan petrol leh diesel hralh phal a ni lo ang.