Vawiin May 8, 2009 hian Pu Lalrinliana Sailo, Health Minister chuan CYMA bultum Inter Branch Sports 2009 kharna, Zarkawt Recreational Centre-ah a hmanpui. He huna thutawi te sawiin Pu Rina chuan YMA Branch-te tana Sports siam hi inhmelhriatna tha leh thawhhona atan te, hriselna atan te a pawimawh a ni tih a sawi. A enkawl Health Department-a MSACS hmalakna tarlangin, tunah hian AIDS vei chhinchhiah 3304 awm tawhin chung zinga 134 chu naute pianghlim, nu atanga kai a ni. Mizote in exam vek phei ila hemi let tam tak hi AIDS vei an awm ngei ang, thalaiten nun ulukin fimkhur ang u, a ti. Mizote min ti hrisel lotu bulpui pakhat vaihlo leh a kaihhnawih laka inthiarfihlim a tul tak zet tawh a, vaihlo leh meizuk dona tur Rs 2 crores zet USA atangin kan dawng tawh a, beihpui thlak tum mek a ni, a ti.
Vawiin tlaia inkhelh kharnaah hian Volley Ball (Mipa leh Hmeichhia) Final khelh a ni a; Mipa ah Hunthar Veng leh Tuikual ‘S’, Hmeichhiaah Kanan Veng leh Chanmary ‘W’ an intum a ni.
16th Volley Ball-ah Aizawl District atangin mipa leh hmeichhia Team 4 ve ve, Champhai Sub. Hqrs. atangin mipa leh hmeichhia team 1 ve ve leh Serchhip Sub-Hqrs. atangin mipa team 2 an tel.
2nd Athletics (M & W) ah Aizawl District atangin branch 15, Champhai Sub-Hqrs. branch 8, Serchhip Sub-Hqrs. branch 7 an tel a, Armed Veng branch YMA chuan Gold 3, Silver 1 leh Bronze 2 lain overall champion an ni.
3rd Tug of War (M&W) ah mipa team 5, hmeichhia team 4 lutin, mipa leh hmeichhia-ah Zemabawk ‘N’ an champion a ni. Mipa Runner-up Sihphir niin Hmeichhe Runner-up Champhai Electric Branch an ni.
16th Volley Ball-ah Aizawl District atangin mipa leh hmeichhia Team 4 ve ve, Champhai Sub. Hqrs. atangin mipa leh hmeichhia team 1 ve ve leh Serchhip Sub-Hqrs. atangin mipa team 2 an tel.
2nd Athletics (M & W) ah Aizawl District atangin branch 15, Champhai Sub-Hqrs. branch 8, Serchhip Sub-Hqrs. branch 7 an tel a, Armed Veng branch YMA chuan Gold 3, Silver 1 leh Bronze 2 lain overall champion an ni.
3rd Tug of War (M&W) ah mipa team 5, hmeichhia team 4 lutin, mipa leh hmeichhia-ah Zemabawk ‘N’ an champion a ni. Mipa Runner-up Sihphir niin Hmeichhe Runner-up Champhai Electric Branch an ni.
