Vawiin chawhnu dar 2 :00 pm khan I&PR Conference Hall, Saiha-ah “Consumer Rights and Duties” tih thupui hmangin “Legal Awareness Seminar” hlawhtling tak neih a ni.He “Legal Awareness Seminar” hi District Legal Service Authority, Saiha District, leh District Consumer Protection Association, Saiha District te buatsaih a ni. Pu Sangmanga Chinzah, President, District Consumer Protection Association, Saiha District, chuan a kaihruai a, Upa Chhawnmanga chuan tawngtaina hun a hman hnu ah Dr Chawngkhuma Chawngthu, President,A.M.F.U. Saiha District chuan kalkhawm te lawmna thu a sawi bawk.

Thupui then hran “ Consumer te dikna leh chanvo” tih thupui hmangin Pu K.Dohmu, Jt. Secretary, District Consumer Protection Association, Saiha District chuan Paper a present a. Pu Francis Lalnuntluanga Ralte MPS, Additional S.P. Saiha pawhin “Police leh mipuite inlaichinna leh inmamawh tawn dan “ tih thupui hmangin paper a present a. Dr H.T.C. Lalrinchhana MJS, Chief Judicial Magistrate Cum-Senior Civil Judge, Saiha District chuan “Danin eirawngbawlna Gas (LPG) a khuahkhirhna” tih thupui hmangin paper a present bawk.

He Seminar-ah hian Saiha khawpui chhunga Department hrang hrang hotute, veng hrang hrang V.C. te leh tlawmngaipawl hrang hrang hruaitute an tel thahnem hle a, zawhna leh chhanna hun leh sawihonate neih zui nghal a ni. Pu Hunlawmawma, Asst. Secretary, District Consumer Protection Association, Saiha District, Saiha chuan lawmthu sawina neiin he Seminar hi a titawp a ni.