3858/2022-2023

Aizawl The 16th March 2023: Vawiin khan Taxation Department Auditorium, MINECO-ah ni khat awh tur sawrkar Ukil leh Department Nodal Officer-te puala Training-cum-Workshop neih a ni a, Pu C.Lalramzauva, Legal Adviser to Hon’ble Chief Minister chu khuallian niin hawnna a nei a ni.

Khuallian chuan thusawiin, sawrkar Ukil-te leh Department tin a Nodal Officer inkarah thawhhona tha a pawimawh hle a, court case tam takah Mizoram sawrkar a tel ve thin avangin an hna tha tak leh dik taka thawk turin a chah a. Court in dik tak leh chak zawka thutlukna a siam theihna turin tha taka court puihtu ni turin sawrkar Ukil-te chu a ngen a, mimal dikna chanvo zahsak a tul hle rualin Dan erawh dik taka kenkawh anih theih nana thawk turin chah nghal a ni.The Limitation Act 1963 - Mizoramah hman anih tawh avangin sawrkar ukil te chu an hnathawhnaah hmanhmawh thiam a, hun tiam chhunga law suit file leh appeal huna appeal thei turin a sawm nghal bawk a ni.

Pu C.Lalramzauva, Senior Advocate ni bawk chuan Mizoram sawrkar hmalakna zarah kum 2008 atang khan Judiciary chu Mizoramah felfai taka thenhran anih thu a sawi a,hei hian judiciary chu nasa zawkin a tichak a ni; a ti.Mizoram sawrkar in Law Department-te a ngaihpawimawh thu sawiin,District Court building tur atan hmalak mek zel a nih thu sawiin,Guwahati High Court, Aizawl Branch, building pawh reilote ah hawn theih a nih tur thu a sawi a ni.

Pi Renu Sharma,IAS,Chief Secretary, pawhin thu sawiin,state dangte ngaihtuahin Mizoramah court case a tlem hle a,hei hi thil lawmawm tak a ni; a ti.Law & Judicial Department ten ‘Mizoram State Litigation Policy 2023’ Notification an tichhuak ta chu fakawm a tih thu a sawi bawk a.Sawrkar Ukil leh Department Nodal Officer-te chu technology chhuakthar te hmang tangkai turin a chah a,awlsam zawkin hna an thawk thei dawn a ni; a ti.

Technical Session neih nghal niin,thupui then hrang hrangah hetiang hian zirhona neih a ni.

1. Inputs - Pu C.Zoramchhana, Addl. AG, Guwahati High Court

2. Procedure for handling litigation and matters connected therewith - Pi Melody Lalrochampuii Pachuau, Joint Secretaty, Law & Judicial Department

3. Handling of Court cases (High court & District court) - Pu H. Lalremsanga, Law Officer, Law & Judicial Department

4. Maintenance of Register for tracking and monitoring of Court cases - Pi R. Zothantluangi, Law Officer, Law & Judicial Department

Vawiin Training-cum-Workshop Programme hi Pi Helen Dawngliani, Secretary, Law & Judicial Department chuan kaihruaiin, Pi Zonuni Hrahsel, Deputy Secretary, chuan kawlkhawmte hnen a lawmthu sawina a nei a ni.