1172/2022-2023
Aizawl, the 7th July 2022: A hnuaia tarlan ang hian Dr Andrew H.Vanlaldika, Controller, Legal Metrology Department chuan Mizoram chhunga sumdawng/dawrkai zawng zawngte an bungraw zawrh lai, a fun chi ang reng reng te a man inziak aia to zawka zuar lo turin a hriattir a. Insak bungraw zuartute pawh bungraw tlo leh hmantlak chiah zuar turin a hriattir bawk.

Mizoram chhunga sumdawng/dawrkai zawng zawngte’n an bungraw zawrh, a fun chi (Packaged Commodities), a man inziak (Maximum Retail Price) aia sanga zuar leh hralh lo tura hriattir an ni a, MRP inziak hi thai chhiat emaw tih danglam phal a ni lo bawk. MRP aia sanga bungraw zawrh leh hralh hi Legal Metrology Act, 2009 leh Legal Metrology (Packaged Commodities) Rules, 2011 hnuaia Rule 18(2) in a khap angin he dan bawhchhia te chu dan anga hrem an ni ang.

Legal Metrology Department chuan Aizawl Bawrhsap hova an thurel bawhzui nan insak bungrua chhia leh hman tlakloh zuar te man chhuah a, hrem an nih theih na turin Legal Metrology Department official te biakpawh theihna a siam nghal bawk a ni.

Harsatna nei chuan a hnuaia contact number tarlanah te hian report theih a ni e: -