1173/2022-2023
Kolasib dated 7th July, 2022: Vawiin khan Pu Justice Michael Zothankhuma, Judge, Gauhati High court and Portfolio Judge, Aizawl Judicial District chuan Kolasib District Court endikin a tlawh.
Pu Justice Michael Zothankhuma hi District Court ah Pu John LT Sanga, Deputy Commissioner, Pi Julie Lalrinzami, Judge, Fast Track Court, Pu Vincent Lalrokima, Chief Judicial Magistrate, Judicial Magistrate leh District Court-a thawktuten an lo dawngsawng a. District Court hotute nen hian Court Room ah inkawm hona hun tawi an nei a ni.

He hunah hian Pu Justice Michael Zothankhuma chuan Court in file a kalpuite, case awm mekte, district court in mamawh a neih leh Quarters te, hmabak a neih hrang hrangte sawi hona a neihpui a. BAR Association, Kolasiba Advocate-te nen inkawmna hun a nei bawk a ni. Pu Justice Michael Zothankhuma hova District Court-a thutkhawmnaa tarlan danin kum 2022, January leh June thleng khan Fast Track Court, Chief Judicial Magistrate cum Senior Civil Judge leh Judicial Magistrate I & II a thubuai lut zawng zawng chu 733 a ni a, kum hmasa lam a thubuai ziahluhte nen 736 chinfel tawh niin thubuai ngaihtuah tur hmabak 306 a awm mek bawk a ni.

DC Circuit House-ah Deputy Commissioner, Superintend of Police, District Jail Superintendent, Assistant Commissioner, Excise & Narcotics leh MJA, Kolasibte nen Pu Justice Michael Zothankhuma chuan inkawmna hun hmang lehin thawh hona tha a awm theih nana hmalak dan turte sawiho a ni a. District Jail-a awmte hriselna endik kawnga hmalak dan tur leh Police, Excise & Narcotics leh NGO-ten dan pawimawh zual an hriatchian lehzual nana inzirtirna kalpui dan turte sawiho a ni. Project Veng, Kolasiba Fast Track Court Building leh Quarters thar tur sak mek chu a hmun ah a endik nghal bawk a ni.
Pu Justice Michael Zothankhuma hi Pu Joel Joseph Denga, MJS, Registrar, Guahati High Court, Pu Lalbiakzama, District & Session Judge, Aizawl Judicial District leh Pi Gracy L. Bawihtlung, Jt. Registrar, Guwahati High Court ten an tawiawm a ni.