1174/2022-2023
Lunglei the 7th July 2022: Vawiin khan DC Conference Hall, Lunglei ah Pu Kulothungan A, IAS, Deputy Commissioner, Lunglei kaihhruaiin District Consultative Committee/ District Level Review Committee/ District Level Security Committee Quaterly Meeting For March, 2022 neih a ni. Meeting ah hian District Lead Bank Manager, Pi Lalremsangi, NABARD DDM, Pu Evan T. Munsong bakah RBI, Bank hrang hrang Manager te leh Line Department hrang hrang aiawh te an tel a ni.

Pu Kulothungan A, chuan Bank te chu ram hmasawnna hnathawktu pawimawh tak an nih thu sawiin Bank Manager kalkhawm te chu Bank hmalakna apiang ah mipui hmasawnna leh an hamthatna dah pawimawh hmasa ber thin turin a chah a. Lunglei District ti hmasawn turin Bank leh Line Department tangkawp ten theitawp chhuaha hma an lak a tul a ni a ti. Bank leh loan kalphung mipuite zirtirna Financial Literacy Campaign pawh a tam thei ang ber kalpui turin a chah a ni.

He meeting a pharh March 2022 quarter tawp a Lunglei District chhunga Bank hrang hrang te hmalakna tlangpui chu hetiang hi a ni. Bank hrang hrang ten Bank Security an neih bakah CCTV, Fire Extinguisher leh Security Alarm System dah thu tarlan a ni. Lunglei Police te nen thawhhona tha tak an neih thu tarlan a ni bawk. Bank zawng zawngin mipuite hnena Coin dawn leh pek chhuah pawm tur a tih a ni. Lunglei District chhunga Bank Credit Deposit Ratio(CD Ratio) chu March 2022 ah 62. 27% a ni. Reserve Bank of India in CD Ratio a bituk zat chu 60% niin Bank thenkhat 60% phalo te pawh tan la tura hriattir an ni. Agriculture, MSME leh Other Priority Sector te hnena loan pekchhuah chungchang pawh sawiin March 2022 quarter thleng khan Agriculture hnuaiah target cheng nuai 5030.06 ah cheng nuai 3142.74 an pe chhuak a, MSME hnuaiah target cheng nuai 4600.14 ah cheng nuai 4981.03 an pe chhuak tawh bawk. Other Priority Sector hnuaiah target cheng nuai 2762.26 ah cheng nuai 3571.08 an pe chhuak a ni. Kuthnathawktute tana loan Kisan Credit Card (KCC) Crop loan ah mi 1173 te hnenah cheng nuai 1139.83, Animal Husbandary ah mi 371 te hnenah cheng nuai 525.24 bakah Fishery ah mi 1 hnenah cheng nuai 1.50 an pe bawk. Prime Minister's Employment Generation Programme (PMEGP) ah March 2022 thleng khan mi 98 te hnenah loan cheng nuai 300.39 pe chhuakin MzSRLM ah mi 18 te hnenah cheng nuai 39.69 an pe chhuak a ni. Pradhan Mantri Mudra Yojana( PMMY) ah March 2022 thleng khan mi 383 te hnenah cheng nuai 1220.97 pek chhuah a ni bawk.

Thingtlang khua a cheng te tan Banking Service ruahman sak dan Financial Inclusion Plan chungchang pawh sawiho niin Lunglei District chhunga mi 2000 aia tlem chenna khua 154 awm ah khaw 116 te chu Bank Branch emaw Bank aiawh leh Business Corespondent an cover tawh a, khaw 38 te pawh tuam chhuak tura ruahmanna siam turin Bank te chu hriattir an ni.

A chunga loan tarlan te leh hmalakna te khi Lunglei District chhunga Bank 20- SBI Lunglei, SBI Chanmari, SBI Tlabung, SBI AOC Square, Axis Bank, Canara Bank, HDFC Bank, IDBI Bank, Punjab National Bank, MRB Lunglei, MRB Lunglawn, MRB Serkawn,MRB Buarpui, MRB Bunghmun, MRB Haulawng, MRB Lungsen, MRB Tlabung, MCAB Lunglei, MCAB Zobawk leh NESFB te an ni.