1175/2022-2023
Aizawl 7th July, 2022: Vawiin khan Art & Culture Department chuan an Secretary hovin Secretariat Conference Hall, Mizoram New Capital a meeting chuan, Mizo Puan panga 1) Puanchei, 2) Pawndum, 3) Ngotekherh, 4) Hmaram leh 5) Tawlhlohpuan Geographical Indication (G.I.) nei te, a tah dan tur (Technical Specification), a hman dan leh hman khapna te (Use & Misuse) chungchang thlirhona an nei.

10th June, 2022 khan Mizoram sorkar chuan Notification hi a lo chhuah tawh angin, hemi bawhzui dan tur hi khunkhan takin sawihona neih a ni.

Heng geographical Indication puan te hi sorkar-in Puantahtu a pawmpui (Authorized User) te tan chauh siam / tah theih a ni ang a, Authorized User a in register duh te tan Art & Culture Department Office, Chanmari, Aizawlah office hun chhungin zawhfiah theih a ni ang.

Sorkar thuchhuah Geographical Indication puan tah dan tur leh hman dan leh hman khapna (Use & Misuse) te hi Art & Culture Department Website mizoculture.mizoram.gov.in ah download theih a ni ang.