3958/2024-2025

Siaha the 24th January 2025: Vawiin khan Legal Metrology, Siaha-te chuan Siaha khaw chhunga dawrkai-te buhfai zawrh endikna an nei a, buhfai bag pawn lama a rih zawng inziaklo leh buk diklo dawrkai 16 aṭangin Bag 153 an man a ni.

FCS&CA Department hnuaia Legal Metrology-te hian nikum lamah hetiang thil diklo hi hmu chhuak tawhin dawrkaite chu December thla ral hma ngeia inchingfel tur leh kumthar aṭang chuan buhfai bag pawn lama a rih zawng inziaklo chu zuar leh chah tawhlo turin lehkha in an hriattir tawh a, hemi bawhzui hian hmalak a ni ta a ni. Legal Metrology chuan tunlai hian buhfai bag siamchawp, a rih zawng tarlan loh, duh ang zat zata a man chhiar a hluar hle a, mipui bumna a hluar hle tiin mitin fimkhur theuh turin an chah.