3959/2024-2025

Dated 24^th January, 2025 :  Vawiin khan AMC buatsaihin AMC Area huam chhunga Registrar of Births & Deaths (RBD) te’n AMC Auditorium ah RBD Annual Training on Civil Registration System cum Meeting an nei. 

He RBD Annual Training ah hian Municipal Commissioner Pu Joseph H. Lalramsanga chuan Inauguration speech sawi in Pi Baby Zohmingliani, Additional District Registrar of Births & Deaths, AMC chuan training a kaihruai a. Directorate of Economics & Statistics atangin Pi B. Vanlalrengi, Deputy Director leh Pu J. Ramdinmawia, Inspector te chu resource person niin training an pe a ni. 

Municipal Commissioner Pu Joseph H. Lalramsanga chuan, Births & Deaths Registration pawimawh zia sawiin, RBD lo kal khawm te rinawm tak leh uluk taka an hna thawk tura fuih thar lehin Aizawl khawpui changkanna leh than zelna tura AMC hmalakna kawng hrang hrang a thawhho pui ah  a sawm nghal bawk a ni. 

AMC area huam chhung ah damdawiin  behchhan RBD 24 leh Veng (local) behchhan RBD 85 an awm mek a. Nikum November 11, 2024 atang khan damdawiin behchhana RBD 24 te hian online Registration kalpuiin-  piang leh thi te hnenah Digitized certificate pek chhuah a ni tawh a. Hetiang ang hian veng (local) tana RBD 85 kan neih te hian February 1, 2025 atanga Online Registration ti a, Digitised Certificate pe chhuak thei turin  Training hi neih a ni a, ram leh hnam tan hmasawnna nasa tak a ni dawn a ni.