3960/2024-2025

Dated: Mamit the 24th of January, 2025: Vawiin khan National Disaster Management Authority(NDMA)lam a hotute chuan Mamit district tlawhin Taitesena Buk, DC Office, Mamit-ah Pu K Laltlawmlova,,District Bawrhsap leh DDMA chairman ni bawk kaihhruaina hnuaiah thutkhawmna hun an nei.

Vawiin hunah hian Pu K Laltlawmlova chuan NDMA team in Mamit district an lo tlawh chu lawmawm a tih thu sawiin DDMA in a hma a lak tawhnate leh an hmachhawp te a sawi a. Bawrhsap chuan Mamit district in leilung chhiatna hrang hrang an tawrh thin te sawiin training leh activities an kalpui thinte a tarlang bawk. Pu K Laltlawmlova chuan Mamit district chu disaster management lam a thuam that a tul thu sawiin hmasawnna awm thei hrang hrang sawi hona hun a neihpui bawk.

NDMA atang hian mi pathum- Shri Priyank Walia, Sr. Consultant,  Dr.Vazeem Iqbal, Consultant leh Ms. Saroj Kujur, Under Secretary, NDMA te chuan Mamit lo tlawhin DM&R Department atangin Dr. Lalrokima Chenkual,Deputy Director leh Pu Lalbiakzuala, Assistant Director ten an tawiawm. 

Thutkhawmna neih zawhah hian NDMA team te chuan Mamit khawchhung a leiminna hmun hrang hrang leh leitlahniam awmna te an tlawh nghal bawk a ni.