Vawiin hian District Council Conference Hall ah District Legal Services Authority buatsaihin Lawngtlai District chhunga Central Zone Village Council Member te tan Legal Awareness Seminar neih a ni a, Village Council kaihhnawih dan chi hrang hrangte zirho a ni.

He seminar Pu Vanlianhrin, Local Administrative Officer, LADC kaihhruaiah hian Pu H. Chhuanawma, EM i/c LAD, LADC chuan a hawnna thu a sawi a, chu mi hnuah Pu ST Ramhmachhuanmawia, Advocate chuan Village Council Act leh Administration of Justice tih thupui hmangin thusawina hun a hmang a. He mi hnu hian Pu MC Lalbiakliana, Advocate chuan mi tang bail dan hman mek chungchang te, Compounding of Offences chung changte, Free Legal Aid te, Certificate Case te, Maintenance leh Will chungchangte sawifiahna a nei bawk a ni.

Mithiamte thusawi ngaihthlak zawh hian VC Member kal khawmte chuan zawhna an neih hrang hrangte an zawt a, harsatna an tawh hrang hrangte chin fel dan te pawh zawtin sawihona hun an hmang nghal a ni.

He Seminar ah hian District chhung Central Zone Village Council member 60 vel an kalkhawm a ni.