Mizoram Legislative Assembly 7-na chuan vawiin khan an Session vawi 4-na kal mekah Hmarchhak mite enhran leh kut an tawrhna chu pawi tiin hemi chungchanga Private Members’ Resolution, Pu Lalruatkima, Opposition MLA put luh chu lungrual takin an passed a ni.

He Resolution “India ram hmun hrang hrangah Hmarchhak mite enhran kan ni thin leh chi inthliarna avanga kut tuar leh nunna chan hial te kan awm ta fo mai hi he House hian pawi a tiin kut tuarte a tuarpui takzet a. Hetianga hmarchhak mite enhranna leh kut thlakna hi tun hnuah thleng tawh ngai lo se kan ti” tih chu vawiin khan Assembly in an passed a ni.