Mizoram Legislative Assembly Secretariat chuan State Legislative Assembly Speaker mawhphurhna leh thuneihna chungchang mipui ten an hriat chian theih nan a hnuaia mi ang hian a sawifiah.

Mizoram Legislative Assembly hi Rules of Procedure & Conduct of Business hmanga kaihhruai a ni a. He dan chhungah hian Assembly Speaker-in tha leh rem a tih angin member ten ro an rel a, thu an sawi thin. He dan chhungah hian Speaker-in thuneihna sang tak a nei a, Rules of Procedure & Conduct of Business in Mizoram Legislative Assembly-a tarlan loh tih tur leh sawi tur a awm a nih pawhin Speaker hian thutawp siam theihna a nei a ni. 

Speaker hian Member te bakah offical-te pawh session ah hian an hnathawh avangin lawmthu a hrilh fo va. House chhungah member ten an thusawiah zalenna zau tak neiin clause 2 of Article 194 of Constitution of India-in a sawi angin member te hian House chhungah engpawh sawi se court-ah khin theih an ni lo. Mizoram Legislative Assembly Session hnuhnung berah khan Speaker chuan session tawpna tur a khaikhawmnaah Assembly Secretary kumtawpa pension tur chungchang a sawi chhuak a. Assembly Secretary hi session hall chhungah Speaker kutke ber niin kawng engkimah dan leh hrai quote a ngaih pawha mawhphurhtu a ni.  Speaker-in Session khaikhawmnaah Assembly Secretary pension tur chungchang a sawi lan kha ‘special mention’ ni lovin session hall-ah thuneihna sang tak a neih anga a kut ke ber Assembly Secretary pension tur chungchang a sawi lang hi thil tih awm reng a nih thu Mizoram Legislative Assembly Secretariat chuan an tarlang a ni.