Bualpui khaw chanchin ziahna lehkhabu chu nizan khan Mission Development Training Centre Hall, Bualpui ah District Bawrhsap Pu H.Lalengmawia'n a tlangzarh.

Lehkhabu tlangzarh inkhawmah Pu H Lalengmawia chuan Bualpui khua hi Mizoram Gorkhali lo chhuak hmasate awmna a ni a, Zoram hmun dang ang bawkin Mizote nen inpumkhat takin an awm a ni a ti.

Bawrhsap chuan tun hnaia Bru lo let tur zinga Kolasib District-a awm tur chhungkaw 628 te hian lungmuang taka an hmun tur an rawn pan a duh thu sawiin, Mizoten inngeih leh inpumkhat takin kan lo dawngsawng dawn a; lawm takin kan lo hmuak dawn a ni a ti.

Lehkhabu tlangzarh hi Pu H Lalrinchhana VCP Bualpui in a kaihruai a. Pu H Vanlalnghaka President MJA Kolasib pawhin VC ten Ruihhlo Do-na atana an din Football Club Jersey a phochhuak bawk.

He hun hi Pi Melody Ngurnuntluangi BDO Thingdawl chuan a hmanpui a ni.