Pu Hiphei, Speaker, Mizoram Legislative Assembly chuan vawiin khan Prof. Jangkhongam Doungel ziah, “Autonomy Movements and The Sixth Schedule in North East India” tih chu Mizoram Legislative Assembly Conference Hall ah a tlangzarh.

Pu Hiphei chuan Mizorama Autonomous District Council pathum lo pianchhuah dante sawiin hetiang lehkhabu tangkai thei tur tak tlangzarh a ni chu lawmawm a tih thu a sawi a. Lehkhabu te chu ro tha ber an ni tiin Indian Constitution 6th Schedule leh Autonomous District Council-te history zirchianna atan he lehkhabu hi a tangkai ngei a beisei thu a sawi bawk.

Tlangzarh inkhawm hi Pu Kali Kumar Tongchangya Chakma Autonomous District Council CEM in telpuiin Dr. K. Robin, Deputy Director, Human Resource Development Centre (HRDC) Mizoram University in a kaihruai a. Dr. H. Vanlalhruaia, Assistant Professor, Department of History, Government Aizawl North College in lehkhabu thlirlawkna (preview) hun hmangin Pu Lallianchhunga Assistant Professor Department of Political Science MZU in lawmthu sawina in hun a khar a ni.