Aizawl District Magistrate, DC Pu Kannan Gopinathan chuan 144 Code of Criminal Procedure, 1971-in thuneihna a pek angin Aizawl District chhunga kawngpui (National Highways leh State Highways) hrula kumin fur chhunga lei laih a khap a ni. District Disaster Management Authority emaw Sub-Divisional Disaster Management Authority (Saitual leh Sakawrdai) hnen atanga phalna la hmasa lova lei lai awm chu Dan anga an chungthu ngaihtuah tur a ni.

He thuchhuah hi fur laia lei laih leh khawih chetin leimin a thlen theih phah vang leh, nitin mamawh chakkhai lakna kawng leh mihring nunna thleng pawha harsatna tawh theih anih vanga siam a ni a. Thupek hian chhuah anih atanga thla hnih thleng a huam ang.