Vawiin chawhma dar 10:00 khan Lungleia Saikuti Hall-ah ni hnih awh tur Village Health Sanitation and Nutrition Committee (VHSNC) Training leh Restructuring of VHSNC member chu neih tan a ni a. Senior Medical Officer Dr Lalawmpuia Chhangte chuan kaihruaiin National Health Mission Director Dr.K.Lalbiakzuala chu Khuallian a ni.

Dr.K.Lalbiakzuala chuan ram changkang tehnaa pawimawh em em Infant Mortality Rate (IMR) ti hniam tur hian mipuite hian mawhphurhna kan nei ve tih hria in, sawrkar chuan VHSNC leh ASHA te a duang chhuah thu a sawi a. IMR ti hniam tur hian VHSNC leh ASHA member-te chu nasa taka tan la turin a fuih a. Training hi Kolasib leh Serchhip ah te neih a nih tawh thu a sawi bawk.

Training-ah hian VHSNC-te hmalak tawhna leh hlawhtlinna te tarlan a ni a. VHSNC nihna, mawhphurhna leh tih tur te, activities leh outcome te, Monitoring leh Village Health Plan leh Financial Management (Petty cash book maintenance) sawi hona neih a ni. Zirtirna hi resource person State Nodal Officer (Community Process) Dr R. Lalchhuanawma, C.Lalthanzami, State ASHA Trainer Lalmuanpuii, Emmanuelle Lalthazuali leh State Finance Manager Lalpeklawma ten an nei a. Zawhna leh chhanna hun te hmang in, training tawpah hian VHSNC in din thar lehna neih a ni.