1626/2024-2025

Aizawl the 16th August, 2024: Kumina ruahtui tla tamin leimin leh chhiatna nasa tak Aizawl District-a a thlen tam zawk hi mihring siam chawp (man-made) atanga thleng a ni a. Hengte avanga chhiatna thleng thin laka Aizawl District mipuite an him theih nan Er. Lalhriatpuia, MCS, District Magistrate, Aizawl District chuan Section 30 leh Section 34 of the Disaster Management Act, 2005 leh Section 163 of BNSS in thuneihna a pek angin leilaih leh kopang laih chungchangah a hnuaia mi ang hian thu a chhuah :-

  1. AMC area in-a a huam loh Aizawl District chhunga National Highway, State Highway, khawkar kawng leh khawchhung kawng (Internal Road) hrulah mi tumahin lei laih, a bik takin kopang lam laih, phal a ni lo. Hemi bakah hian kawng thlang lam laih pawh 4 m3 aia leivung a tam dawn chuan khap tel a ni bawk.
  2. He khapna dan hian National Project leh State Project kal lai, Sorkar atanga phalna nei te a huam lovang.
  3. Kawngpui 100 m huamchhunga lung hal (Blasting) hian kawngpui bula lei a ti nghet lova, hei hian leimin leh chhiatna nasa zawk a thlen theih avangin permit nei lo tan lung hal khap tlat a ni. 

He thupek zawm lote chu Section 223 of BNS hmangin hrem an ni ang. He thupek hian chhuah a nih atanga thlahnih (2 months) chhung a huam ang.