628/2022-2023
Aizawl the 25th May, 2022 : Kan leilung nghet tawkloh avang te leh kan khawsakna leh chetna hrang hrangah kan fimkhur tawk loh leh ngaihsamna avangte in leimin a awm thin a. Lei min hian In leh lo ti chhiain nunna hial pawh chan phah an awm thin a, a pawi takzet a ni.

Leimin avanga chhiatnate hi hmun tam takah tui kal dan mumal loh vang a ni tih mithiamte hmuh dan a ni. Tuichhe paih dan dik lote, tuidawn awm loh vanga tui put ral te, side drain leh kawr hnawh vanga tuihawk kawng bo te hian lei a tinghet lova, leimin a siam thin a. Theihtawpa heng thil hi kan siamthat a tul hle a ni.

Chuvangin leimin vanga tawrhna leh chhiatna a thlen lohna turin Disaster Management Act, 2005 Sec 33 leh Sec 34 na in thuneihna a pek angin Aizawl District chhunga hman turin a hnuaia thupek hi DC Aizawl chuan a chhuah a. Thupek zawm lo chu Disaster Management Act, 2005 in a sawi anga hrem theih an ni ang.

1. Mimal In leh sawrkar building-ah te tuichhe paihna siam vek tur a ni a, tuidawn siam a, ruahtui tla dawhkhawl emaw, a paihna tha taka siam vek tur a ni.

Tuihawk luanna tibuai thei tura Kawr leh side drain ah te bawlhhlawh leh leivung paih loh tur a ni a. Leivung pawh thuneitu phalna lo chuan Tui Luan kawr/kawng kamah paih phal a ni lo bawk.

Local/ Village Level Disaster Management Committee te an huam chhungah a chunga tarlante hi kengkawh tura thuneihna pek an ni a, Disaster Management Act, 2005 hnuaiah a tul angin thupek hi an kengkawh ang a, hremna pawh an pe thei ang. An thuneihna piah lamah chuan District Disaster Management Authority (DDMA) ah an pu lut/ refer thei ang.