627/2022-2023
Aizawl the 25th May, 2022 : Tunlai hian Mizoram State chhungah Vawk hri African Swine Fever (ASF) a la leng mek tih hriat a ni a. Aizawl District huamchhunga mipuite kan lo fimkhur zawk nan Dr Lalhriatzuali Ralte, IAS District Magistrate, Aizawl District chuan thupek chhuah leh tul a ti a, Section 144 CrPC in thuneihna a pek angin a hnuaia mi ang hian thupek a chhuah :-
1) Aizawl District chhungah ramdang atang leh District dang atangin A.H & Vety Department atanga phalna neite chauh lo chuan, vawk leh vawksa atanga siam reng reng lak luh phal a ni lo.
2) Hmun dang atanga vawk lalut tur ten an lakna tur hmun atangin ASF free certificate an nei ngei tur a ni.
3. Vawk thi reng reng paih mai lovin, thuk taka phum zel tur a ni.
4) Vawk hrisel leh thianghlim, Veterinary Doctor ten talh tlak ni a an ngaihte chauh talh tur a ni.
He thupek hian thu leh awm hma chu puan a nih atanga thla hnih (2 months) chhung a huam ang.
He thupek zawm lo te chu IPC Section 188 dan hmanga hrem theih an ni ang.
