659/2025-2026

Khawzawl, dated 30th May 2025: Khawzawl DC Pu K. Vanlalthiana chuan leimin laka invenhim dan tur hrang hrang tih tur leh tih loh tur te tarlangin hetiang thuchhuah a siam.

"HRIATTIRNA

Kumin 2025 furpui lo thleng mekah hian Khawzawl District mipuite leimin lakah kan himtlan/fihlim theih nan a hnuaia mite zawm theuh turin kan inngenin kan inhriattir e.

TIH TUR (DOS):

i) Mahni in leh lo, office building leh hnathawhna hmun te leimin lakah a him theih nan a tul anga thawm that ngai laite thawm that a, thlithlai thin tur a ni.

ii) Mahni in leh a velah leimin hlauhawm a awm a nih chuan Silpoulin/Tarpoulin-a khuh that tur a ni a, a ranglamin Zonal Officer-te hnenah Village Disaster Management Committee (VDMC) kaltlangin report thin tur a ni.

iii) Leimin/Leitawlh vanga current neih loh theih a nih avangin mobile phone leh electric bungrua charge theih ang angte chu charge full sa vek tur a ni.

iv) Mahni in bul leh a chhehvel tuihawk luankawr awmte thenfai tur a ni.

v) Lei laih lai neite tan leimin a thlen loh nan hnathawh zawhah uluk taka khuh hul tur a ni.

vi) Furpui laiin tumahin tul bik thilah lo chuan lei laih loh tur a ni.

vii) Tul bik thilah kan zin chhuak a nih pawhin kawnglaka ei leh in tla tur leh First Aid Kit pai thin tur a ni.

viii) Thu dik tawk lo leh belhchian dawl lo thehdarh loh tur a ni a, lo thehdarh an awm a nih chuan DM Act, 2005 hnuaiah hrem theih an ni ang.

ix) District Emergency Operation Centre (DEOC) Phone No - 6909136938 ah hian 24x7 biakpawh theih reng a ni.

TIH LOH TUR (DON'Ts):

i) Leimin duhna hmunah ah awm/kal loh tur a ni.

ii) Lei laih loh tur.

iii) Tul bik thilah lo chuan zin chhuah loh tur a ni.

iv) Thu belhchian dawl lo thehdarh loh tur.

v) Tuihawk luankawrah bawihhlawh/hnawmhnawk paih loh tur.

vi) Leimin vanga chhiatna alo thlen palhin chiai loh tur."