No.2339/2020-2020

Aizawl, the 23rd June 2020 : Fur ruahtui a tam tan avangin leh lirnghingin Mizoram leilung a sawi chet tak fo avangin Directorate of Geology & Mineral Resources chuan chhiatna laka mipuite kan him tlan theih nan a hnuaia mi ang hian ngenna a siam-

1. Fur chhungin In hmun Ieh hmasawnna dang atan lei laih loh tur a ni. In hmun lo lai tawh, thawm nghet hman lo pawhin mithiamte thurawn anga hma lak ni se.

2. In tinin tuidawn tha tak siam a, ruahtui leh tuichhia zawng zawng nen tui paihna (drain/pipe) mumal tak siam theuh ni se.

3. Mahni in bul vel ah lei che tharlam a awm em tih te enfiah fo ni se.

4. Lung lakna (quarry) nei ten lung hal phalna (explosive licence) nei lovin lung hal phal a ni lova, explosive licence nei pawhin Blast design hmanga lung hal tur a ni. Quarry neitu ten lung lak chungchanga kaihhruaina (safety quideline) zawm tur a ni. Mining Lease / Permit neilo tan lung lak chhuah phal a ni lo.

5. Stone quarry-ah lei tawlh thei leh lung tla mai thei a awm em tih te uluk taka enfiah fo tur a ni.

6. Lirnghing hi eng hunah pawh lo thleng palh thei reng a ni a, a lo thleng a nih pawhin chiai mai lovin Sawrkar in awm dan tur ruahmanna a siam te zawm theuh nise.