No.2340/2020-2020

Kolasib Deputy Commissioner Office hmalakna a din, Border Safety Monitoring Team, (BSMT) Kolasib District chuan ramri dep khuaA Task Force te duty chhawkin tum 9, Reserved Volunteer Force an inthawn chhuah tawh bakah heng ramri a Village Level Task Force la duty-mek te eitur leh hmanraw chi hrang hrang an mamawh te ngaihtuah sakin an thawk chhunzawl zel a ni.

Vawiin khan Pu ST Lalhmingmawia, DLAO, Kolasib kaihhruaina hnuaiah Border Safety Monitoring Team te hian Bilkhawthlir, Saiphai leh Saipum Village Level Task Force -te tlawhin duty te eitur buhfai leh an mamawh lam khawmna tur pawisa an hlan a. Bilkhawthlir North Village Level Task Force te hnenah buhfai bag 5 leh cheng 3000, Saiphaiah buhfai bag 5 leh cheng 3000 bakah Edith Lalneihlawmi, duty-na a chesual kanna cheng 5000 an hlan bawk a ni. BSMT te hian Saipum VLTF te hnenah buhfai bag 5 leh cheng 5000 an hlan a, Pu C Liankunga, President, YMA Sub-Headquarters, Kolasib District in ramri VLTF tlawh chhuahna hi a tawiawm bawk a ni.