3580/2024-2025

2024 Sahmulphah thla ni 28: Vawiin khan Leitlangpui Music Festival Organising Committee chu BoC Conference Hall, Convention Centre, Lungleiah ṭhu khawmin, Leitlangpui Music Festival hman zawh tak an thlir let bakah, hma lam hun atana rawtna te an sawi ho. 

Leitlangpui Music Festival Organising Committee ṭhut khawm hi Vice Chairman, Tourism Department Director Pi R. Lalrodingi leh Secretary, Lunglei Municipal Council (LMC) Chief Executive Officer Pu Donny Lalruatsanga te'n an kaihruai a. Organising Committee-in sub-committee hrang hrang a ruatte leh event management lam hma lakna hrang hrang te, programme siam dan te, department hrang hrang nena thawh ho dan te leh festival kaihhnawih thil hrang hrang an thlir let a. Hma lam huna hmasawnna atana rawtnate an sawi ho bawk.

Organising Committee ṭhu khawm chuan kumina Leitlangpui Music Festival hmanna hmun leh a hun chu kum dang atan pawha zawngchhang chi an tih thu tar langin, tun aia budget lian zawk ruahman ni thei se an tih thu an sawi a. Official function chu tlema tlai lam deuh zawkah, zan lam concert nen inpha man tura buatsaih ni se tih te, event management lam pawh kumin aia hma leh ṭha zawkin inbuatsaih se tih leh traffic management felfai zawk a awm theih nan ruahmanna siam ni se tih te chu festival hlawhtling zawk a awm theih nana rawtna langsar zual a ni. 

Leitlangpui Music Festival Organising Committee chuan festival a hlawhtlin theih nana tha thawhtu department leh pawl hrang hrang chungah lawm thu an sawi a. Nakkum lamah chuan a ṭul anga Organising Committee indin dan pawh siam rem hlek ni thei se ṭha an tih thu an sawi bawk.

Attachment

  • Loading attachment...