360/2023-2024

Lunglei the 8th May 2023 :  Leitlangpui Rahbi 2022-23 chungchangah Pu C. Vanlalmuana, Chief Planning Officer, High Powered Committee, Lunglei chuan 8th May,2023 hian a hnuaia mi ang hian hriattirna a ti chhuak:

1.      High Powered Committee, Lunglei chuan Leitlangpui Rahbi 2022-23, Micro Start Up Capital Competition a buatsaih leh dawn a, 10^th May, 2023 atangin HPC Office Lunglei ah ENTRY FORM & GUIDELINES lakchhuah theih a ni anga, Entry Form hi 2^nd June 2023 ral hmain HPC Office ah thehluh leh tur a ni ang.

2.      Lunglei District chhunga mite tan dil theih a ni ang a, Winner te chu lawmman/tanpuina Rs.2,00,000/- (nuai hnih) thleng pek theih an ni ang.

3.      Sorkar hnathawk nghet tan dil theih a ni lova, sumdawnna emaw, ranvulh leh thil siam chhuah lamte, eizawnna kawng hrang hrang thawk tute tan dil theih a ni.

4.      Leitlangpui Rahbi hi mirethei tanpuina a ni lova, thawkrim leh taima, a ngaihna hria, hmathlir nei tha, thawk tak tak tute puihna tur a ni.

5.      Leitlangpui Rahbi Winner lo ni tawh te tan dil theih a ni lovang.