361/2023-2024

Aizawl the 8th May, 2023 : Nimin ni 7 May 2023 Pathianni zing dar 8:00 Am khan Dr. ZR.Thiamsanga MLA,Vice Chairman, Health and Family Welfare Board chuan Manipur buaina avanga Churachandpur District Hospital in damdawi an tlakchham phuhruk nan  emergency a hman tur, Health & Family Welfare Department, IMA Medical Association(Mizoram Branch), Dental Members ten damdawi an lo khawnkhawm leh mimal tlawmngaite thawhkhawm damdawi thahnem tak Churachandpur a thawn chhoh tur chu Civil Hospital Casualty, Aizawl aṭangin a vailiam. 

Manipur buaina vanga Churachandpur District Hospital in Damdawi an tlakchham phuhruk theih dan tur ngaihtuah hian Inrinni khan Dr. ZR.Thiamsanga, MLA Vice Chairman Health & Family Welfare Board kaihhruaina hnuaiah thutkhawm hmanhmawh neih nghal a lo ni tawh a. He thutkhawmnaah hian Churachandpur District Hospital in damdawi a mamawh a rang lam a thawn chho tura hmalak nise tiin a lo rel tawh a.Tin, Inrinni kalta khan an mamawh zual phuhrukna hmasa atan Ngopa CHC leh NE. Khawdungsei PHC a damdawi awm ang ang thawn alo ni tawh bawk. A ṭul dan ang zelin sawrkar chuan kan unau harsatna tawk mekte tan ruahmanna a siam zel dawn thu he thutkhawmnaah hian sawi a ni bawk.

Attachment

  • Loading attachment...