581/2026-2027
Aizawl the 18th May, 2026: Aizawl District huam chhunga kawng laih mekna hmun hrang hrang - Four-Laning of Vairengte to Sairang Road on NH 306 and 06 (Package 8), Two-Laning of Aizawl Bypass including Tunnel (Package 2 & 3) leh Aizawl Bypass on Western Side-ah te hian tunah kawng laih hna thawh mek a ni a. Heng kawng laihna hmun hrang hrang ah te hian leivung paihna tur hmun (Designated Spoil Bank) ruat vek an ni a.
Contractor-te’n project hrang hrang atana leivung paihna tur hmun (spoil bank site) an rawn rawtna te uluk taka zirchian a nih hnuah District Level Monitoring Committee on Environment (DLMCE) chuan leivung paihna hmun tur (designated Spoil Bank) Annexure-a tarlan te hi a phalsak a.
Heng Project hrang hrang ah te hian leivung hi a paihna hmun tur ni lo ah paih an lo awm theih avangin, DLMCE chuan leivung paihna hmun ah chauh paih tur in hna thawktute a lo hriattir tawh bawk a. Leivung paihna tur a hmun ruat lawk (designated spoil bank) ni lo hmun dangah leivung paih an awm a nih chuan, a mawhphurtu te chu dan anga hrem theih an ni.
DLMCE in chhun zan zawmin heng kawnglaih hnathawhna hmun hrang hrang te hi a vil reng theih loh avangin; kawng laih mekna hmun huamchhunga Local Council/Village Council, Young Mizo Association (YMA), khawtlang thatna tura pawl hrang hrang (Non-Government Organisation and Community Based Organisation) leh mipuite pawh heng kawng laihna hmun hrang hrangah hian leivungte hi a paihna tur hmun dik takah paih a ni ngei em tih min lo enpuia, thu zawm lo te chu thuneitute hnena thlen vat turin kan in ngen e.
He ngenna hi GRASSROOT GOVERNANCE hmalakna hnuaiah chhuah a ni e.
AIZAWL DISTRICT HUAM CHHUNGA PROJECT HRANG HRANGA LEIVUNG PAIH PHALNA HMUN TE.pdf
