580/2026-2027
Aizawl the 18th May, 2026: Sawkar hnathawk (Regular Govt, employees) leh mipui nawlpui man chawia inziak lut (General beneficiaries) tan mahni awm hmun atangin muhcs.mizoram.gov.in portal ah lutin MUHCS Card dil (apply) theih a ni a. Apply (dil) rual hian chhungkaw member tin Aadhaar Card leh thlalak - awm (chest) leh a chung lam lang fiah tak - 'upload' tel tur a ni. Naupang kum 5 hnuai lam tan MUHCS Card siam a ngai lo a, a nu emaw a pa card a hmang thei ang. Approval (pawmpuina) hi Mizoram State Health Care Society-in a lo pek fel hunah card chu mahni in 'download' theih a ni ang. Mahni a MUHCS Card dil tur tan Mizoram State Health Care Society Youtube Channel-ah card dil dan kaihhruaina video en theih a ni.
A chunga tarlan ni lo category dang, heng - Civil Pensioner leh GIA employee tan tun dinhmunah MUHCS Card a la siam theih loh thung. Amaherawhchu, damdawi ina enkawl ngai an nih chuan scheme-a an inziahluhna lehkha (Subscription form) hmangin MUHCS 2.0 hnuaia hamthatna an dawng thei ang.
AB PM-JAY (Golden Card) hmang thei chhungkua tan Golden Card neih sa hmangin MUHCS hnuaia hamthatna a dawn theih a, a hranpa a MUHCS Card siam a ngai lo a ni.
