No.2758/2021-2022
Aizawl 28th October 2021: Police Commemoration Day puala lem inziahsiak lawmman chu vawiin khan sem a ni a. DGP Pu SBK Singh chuan he hun hi a hmanpui a ni.

He lem inziahsiakah hian R.Lalnunfeli, Class 9 zirlai chuan lawmman pakhatna lain Catherine Vanlalpekhlui, Class 9 chuan lawmman pahnihna a la. Zothanmawia, Class 9 zirlai chuan lawmman pathumna a la a ni. Lawmman pakhatna hian cheng 2000, pahnihnain cheng 1500, pathumnain cheng 1000 leh certificate a keng tel a ni.

Mizoram Police chuan Police ram tana nun pete hriatrengna ni “Police Commemoration Day 2021” pualin school naupangte tan lem inziahsiak ‘The Martyrs, My Hero’ tih thupui hmangin October ni 27 khan DGP Conference Hall, Police Headquarters, Khatla, Aizawlah a buatsaih a. 1st Bn MAP English Medium School atangin naupang 15 he intihsiakah hian an tel a ni.