No.2759/2021-2022
Aizawl: Dated the 28th October, 2021: Superintendent of Police, Kolasib chuan mipui him zawkna atan leh chak taka hna thawh anih theih nan lirthei chet vel dan turah a hnuai ami ang hian thupek a chhuah.

Rengtekawn leh Builum inkar Chemlui kawng chu Mizoram PWD, Kolasib Division ten a siam that hna (concrete pavement work) dt. 16.12.2020 atanga an tan tawh chu Mizoram PWD ten hnathawh an chhunzawm leh dawn avangin tha zawk leh chak taka hna thawh a nih theih nan dt. 29.10.2021 (Friday) atanga dt. 13.11.2021 thleng chu helai kawng hi khar a ni ang a, lirthei eng chi mah kal phal a ni lo ang. Amaherawhchu huanlo ram neite tan bik kartin Monday chiah hawn a ni ang.

He thupek zawm lo chu 177 MV Act hmanga hrem an ni ang. He thupek hian tul bik thila Police, Fire Dept., Ambulance, Magistrate-te chet velna leh SP, Kolasib in phalna a pekte a huam loving.

He thuchhuah chungchanga harsatna tawk emaw report neite chuan O/C Kolasib PS (Ph. No. (9612467097) ah biak theih reng a ni.