Finance Minister Pu Lalsawta chuan ram changkang leh hnam hmasawn apiangin lemziak (Fine Arts) ngaihhlut nachang an hria a, a chhan bul ber pakhat chu Fine Arts hian mihring thinlungah hahchawlhna leh ngaihtuahna fim a thlentir thin vang a ni a ti.

He thu hi thian dun Tanpuia leh Saitluanga Sailo buatsaih Duet Painting Exhibition 2014 Aizawl Art Gallery-a hawnna inkhawmah sawiin Pu Lalsawta chuan sorkar pawhin Fine Arts tihhmasawn nan hian theihtawp chhuah a tum dan te, hetiang lama tui mite kutchhuak pawh ramchhung hmun dang leh ram pawn thlenga vawrh lar pui chu sorkar duhthusam a ni a ti.

Painting Exhibition hawnna inkhawm hi Pu Lalchamliana Tlau-in a kaihruai a, June, ni 12 thleng zing dar 10 atanga tlai dar 7 thleng Exhibition hi en theih a ni.