No.1717/2020-2021

Dated Serchhip, the 5th June, 2020: Dr. Lalzirmawia Chhangte, IAS, Deputy Commissioner, Serchhip District chuan State pawn atanga Lengpui Airport kaltlanga Serchhip District a rawn haw turte hriat tur inkaihhruaina a hnuai ami ang hian a chhuah:

Serchhip District chhung mi leh sa, Mizoram state pawn atanga flight-a Lengpui Airport-a rawn haw tur te’n a hnuaia inkaihhruaina dan te hi an zawm vek tur a ni.

1. Serchhip District mi leh sa, Mizoram sorkar in order a tihchhuah No. F.22012/2/2020-HM/COBID-19 Dt.22.05.2020 tlawhchhana phalna nei, flight-a Lengpui Airport kaltlanga rawn haw tur reng reng te, flight ticket booking an tihfel rualin Deputy Commissioner, Serchhip hnenah in report hmasak tur a ni.

2. Lengpui Airport-a rawn haw te’n Rapid Antibody Test an paltlang hnuah Serchhip District-a an awm hranna (quarantine) tura ruamhman an pan tlang nghal tur a ni a, an rawn haw na tur hi anmahni an intum tur a ni.

3. Lengpui Airport atanga Serchhip District a rawn hawte chu Home quarantine/community quarantine facility/Govt. quarantine facility ah ni 14 chhung quarantine tur an ni a. Hemi chhung hian sawrkar inkaihhruaina dante an zawm ngei ngei tur a ni.

4. Lengpui Airport-a passenger lam tur hian driver chauh kal phal a ni a, front seat ah driver lo chu chuan phal a ni lo. Motor seat hnung leh hma inkarah daidanna sarang(plastic) in siam tur a ni a, hei hi driver leh passenger te an in tawh palh lohna tur leh driver himna tur a ni. Hetianga daidanna siam anih loh chuan driver hi ni 14 chhung quarantine ve tur a ni ang. An motor hi a lo thlen rualin motor neituten sahbawn tui emaw thil dang remchang hmangin sanitize/disinfect nghal tur a ni ang. Bungrua inkhaipui loh tur a ni.

5. Lengpui Airport-a passenger lamtu motor driver leh passenger-te Lengpui atanga Serchhip District inkar kawngah khawi khuahah mah an chawl khawmuang tur a ni lova, hei hian ei leh in leh mamawh lama dawra chawlh pawh a huam ang, Kawng lakah eng emaw tul bikah thil pawimawh lama din/chhuk/dawr, etc a ngaih chuan an awmna atanga VLTF hnai ber te hnenah in report in an remruatnain tihdan tur ngaihtuah tur a ni ang.

6. Lengpui Airport-a passenger lamtu motor-ah hian Deputy Commissioner, Serchhip in phalna a pek bak midang tumah chuan phal a ni lo.

7. Driver leh passenger ten mask an hreng vek tur a ni a, hand sanitizer an inchhawp tur a ni, chil chhak, khak chhak, tui inna pik, hnap hnit, etc phal a ni lo. Sawrkar ina thianghlimna kawnga inkaihhruaina dan a zamte an zawm ngei tur a ni.

8. Lengpui Airport a passenger lam turte’n ruihtheihthil eng chi mah an in-in an ei tur a ni lo. Hetiang lama filhlim lo an awm anih chuan dan anga action lak a ni ang.

9. Motor hnung leh hma-ah Serchhip District-a an kalna tur hming lian takin, an paltlang tur khuaten awlsam taka an hmuh theih turin tar tur a ni a, motor-a tar tur hi DC Office ah inreport pahin lam tur a ni ang.

10. Lengpui Airport-a lamtu leh passenger te anmahni mimal mamawhte, kawng laka harsatna tawh palh pawha an buai lohna turin ei leh in tur bakah tui pawh an pai lawk tur a ni.

11. Kawng lakah leh Lengpui Airport-ah motor chhiat palh emaw harsatna dang engpawh an neih chuan anmahni buaipui tura ruat, Transport incharge a hnuaia ziah lante hnenah hian thlen thin tur a ni ang. Serchhip District chhung bikah an motor chhia a awm nih pawhin heng Transport incharge te hnenah hian an thlen ang a, anni hian a tul angina hma an laksan thin ang:
1) Pu Lalrohlua, MVI, Transport Deptt., Serchhip
Phone No.-7005340163
2) Pu Malsawmtluanga, SI (MTO), Serchhip Police
Phone No. 8974257164/9366782492

12. Lengpui Airport-a passenger lam tur te’n an kal lam leh haw lama an thlen chin, a hnuaia DC Office incharge te hnenah hian a khat tawkin report pek thin tur a ni:
1) Ramtharnghaka-8794140627
2) Freddie Lalhruaitluanga-9089175299/6033123953

13. Lengpuia passenger lama kal tur driver ten an chhuah hma in an motor te Deputy Commissioner Office-ah en hmasak tir zel tur a ni a, a him tawk leh tawk loh en fel hnuah chauh Serchhip District chhuahsan tur a ni.