3863/2022-2023

Parliament Session neih mekah vawiin khan Union Minister of Environment, Forest and Climate Change Pu Ashwini Kumar Choubey chuan MP Pu K.Vanlalvena zawhna chhangin Lengpui hmuna NIT Permanent Campus dinna tura Forest Clearance pek leh pek loh chungchang chu nikum 2022 June ni 13 a Forest Advisory Committee meetingin Mizoram sawrkar atanga ngenna lut chu an thlir tawhin thil pawimawh dangah Mizoram sawrkar atanga chhanna an nghak mek tih a sawi a.

Lengpuia NIT Permanent Campus din a nih theih nan hian kum 2020 January ni 22 ah Union Cabinet meeting chuan cheng vaibelchhe 669.75 a lo sanction tawh a. NIT Campus dinna tur hian cheng vaibelchhe 334.78 hman ral tawh niin Forest Department in Reverine Reserved Forest a ni, tia complaint an siam avangin tun thlengin hna thawh chhunzawm theih a ni lo a, sawrkar laipuiin sum a sanction tawh atangin cheng vaibelchhe 334.97 chu khawih chet theih lohin a la awm ta reng a ni.

NIT Campus Lengpui hmuna Forest Reserve tih chhiat aiah hian Mizoram sawrkar chuan hmun dangah Forest Reserved zau zawk a siam tawh a. Lengpui a NIT hmun Forest Reserved nena inthleng dilna pawh Mizoram sawrkar hian Central sawrkarah kumin January ni 24 khan a lo thlen leh tawh bawk a ni.

NIT Permanent Campus Lengpui ah sak chhun zawm theih a nih loh avangin Chaltlang leh Durtlangah te mimal building engemawzat luahin NIT class hi kalpui thin a ni.