1995/2023-2024

23rd September 2023: Lengte khua chuan Vawiin chhun dar 12 khan Lengte Secondary ,Samagra Shiksa School thar lawmna leh Foundation Stone laying hun an buatsaih a. Er. H. Lalzirliana, MLA Mamit Constituency chuan khuallian niin hun a hmanpui a. Pu Laldingliana District Eduction Officer(DEO) chuan khualzahawm a ni.

Khuallian Er. H. Lalzirliana chuan thusawiin Lengte khua in Zirna School tha tak Secondary School an neita chu thinlung ataka a lawmpui thu sawiin, he mi a hlawhtlin theihna atana  khawtlang hruaitute, khawtlang mipuite thawhona, Sorkar hotute thawhrimna chu a ropui tak zet a, hriatreng a ni tawh ang a ti.

Khuallian chuan hripui vangin hun rei tak buaina tawk mah ila, mizoram sorkar in ram leh hnam, khawtlang hmasawnna turin theihtawp a chhuah a.  A bik takin Mamit Constituency chhungah kan la hmuh ngai miahloh, zirna ahte, infiamna leh kan nitin  khawsakna kawnga min pui turin hmasawnna ruhrel lian tak tak din a ni thei hi a lawmtak zet a. Bialtu MLA anihna ang leh Sorkar ang pawhin Mamit Constituency chhunga khaw awm zawng zawngte tan theihtawp a chhuah zel tur thu a sawi a ni.

Pu Laldingliana DEO Mamit chuan Lengte Secondary School a din theihna atana hmalakna hrang hrangte Technical report a pe bawk a ni.

Lengte Secondary School lawmna inkhawm hi Pu Lalrinchhana VCP Lengte chuan a kaihruai a. Inkhawmna hman zawh a nih hnuah Khawthlang huapin School thar lawmna ruai buatsaih a ni bawk a ni.