1996/2023-2024

Dated Siaha 23th September 2023 : Justice Nelson Sailo, Gauhati High Court Judge, chuan tukin zing Dar 7:30 khan Siaha District Court building sak mek Siahatla a mi chu a hmunah a tlawh a, District Court building hmunhma leh a panna kawngpui tihzauh leh siam that dan tur bakah court building in a mamawh thil dangte a hmunah enfiahna a nei.

District Court building sakmek a en zawh hnuin Justice Nelson Sailo ho hian thutkhawmna neih nghal niin, Siaha District Court leh building in amamawh hrang hrangte leh hmalakna tur la awm ang ang te sawi ho na neih nghal a ni a, he thutkhawmah hian Deputy Commissioner, Superintendent of Police, Fast Track Court Judge, Chief Judicial Magistrate, PWD, P&E leh MADC lama hotute bakah Siahatla bialtu MDC, VC leh MTP te an tel bawk a ni.

Justice Nelson Sailo hi Pu Joel Joseph Denga, Registrar Gauhati High Court Aizawl Bench, T.L Guite, District & Sessions Judge, Lunglei Judicial District bakah Pu Thomas Lalrammawia Deputy Secretary, Law & Judicial ten an rawn tawiawm a ni.