No.5364/2020-2021

Vawiin ni 23.9.2020 khan Department of Labour, Employment, Skill Development and Entrepreneurship (LESDE) chuan Rapid Antigen Test hmangin COVID-19 laka dinhmun hriatchian nan Department hnuaia staff zawng zawngte test a neih sak a. Vanneihthlak takin Department hnuaia thawk zawng zawngte hi an Negative vek a ni. LESDE Department hnuaiah hian thawktu 178 awmin, Directorate bakah, District Employment Exchange, Workers Welfare Board leh Industrial Training Institute (ITI), Aizawl hnuaia thawktute pawh COVID-19 lakah hian an fihlim vek tih hriat a ni.

LESDE Department hian kut hnatawktute leh mahni ke a din tumte dinhmun chawikan nan tanpuina leh chawmdawlna hrang hrang a kalpui mek a, skill training a kalpui mek bakah thiam bik thil neite tan eizawnna tling hna alo hmuhsak tawh thin a. Mipui nena nitin indawr tawn reng an nih avangin, mipui leh a thawktute himna tur mai bakah, mipuiten ngaihngam taka office an dawr theih nan staff-te dinhmun hriatchian hi Department in tha tiin, Rapid Antigen Test hi kalpui a ni a. He hmalakna hi tih hlawhtlin anih theih avangin LESDE Department chuan Health & Family Welfare (H&FW) lakah lawmthu a sawi a ni.