No.5363/2020-2021

State Referral Hospital-Zoram Medical College chuan RT-PCR Laboratory-a swab sample test result report siam dan hetiang hian an sawifiah

Zoram Medical College-a Covid-19 Testing Laboratory hian ni khatah samples 700 - 1000 inkar a test mek zel a. Heng samples te hi Aizawl District a sample collection team hrang hrang - Aizawl CMO East, Aizawl CMO West, State IDSP team leh PHC thuthmun atangin samples hi a lutkhawm a ni. Heng samples te hi a theih chin chinah lak a nih ni intahtawlin test mek a ni. Hemi ni a test result Positive hi Line List siamin an hming, kum, veng, phone number leh sample latute thlengin ZMC Covid-19 Laboratory atangin a hma thei ang berah State IDSP leh DIPR hriattira hmala turin information pek nghal thin an ni a. Negative result hi SMS hmanga inhriattir thin a ni. State IDSP leh CMO (sample latute) hnen atanga negative result pawh dawnglo tan e-mail covid19@ZMC.edu.in ah zawhfiah theih a ni.

Samples hi ICMR remtih angin pool system a test a ni a, he pool system hmang hian RT-PCR khawl pakhat zelah a rualin (batch) sample 5 test thin a ni a. batch khata (pooled) sample panga test hi an negative vek chuan batch dangah kal thin a ni. Batch khata (pooled) sample positive a awmin khawi sample ber nge positive tih finfiah nan khami batch a sample 5 te kha uluk taka a mal te te a test nawn leh vek thin a ni a, positive result zawng zawng chu chu dahkhawmin a tharin serial number a in dawtin pek that leh vek thin an ni, final result kimchang hi peihfel a nih veleh result nghaktuten an result an hriat thuai theih nan ZMC Covid-19 Laboratory atangin State IDSP leh DIPR thawn nghal thin a ni.

Pool sample hmanga batch khat a (pooled) sample 5 test an negative vek hi chuan test nawn a tul loh avangin sample test pawh a kal chak thin a ni.

Kar kalta (September ni 14-20, 2020) chhunga India hmarchhaka COVID-19 RT_PCR testing laboratory hrang hranga swab sample test zat chu hetiang hi a ni.