4125/2023-2024

 
Aizawl, the 12th March, 2024: Vawiin khan Labour, Employment, Skill Development and Entrepreneurship Department, Govt. of Mizoram leh Mizoram Khadi & Village Industries Board chuan Minister of State, Pu Lalnghinglova Hmar chamber-ah thawhhona thuthlung an ziak fel. Pu Lalmalsawma Pachuau, Secretary, LESDE leh Pi Saikungi, Chief Executive Officer, Mizoram KVIB ten thuthlung hi an ziak a, Pi Angela Zothanpuii, Director, LESDE te, Pu K. Lalhmingliana, Additional Secretary, LESDE leh Pu C. Lalremliana, Chairman, KVIB ten an hriatpui a ni.

He hunah hian Minister of State, Pu Lalnghinglova Hmarin Mizo thalaiten skill development an mamawh zia sawiin, hetiang thawhhona thuthlung an siam thei hi lawmawm a tih thu a sawi. Thawhhona tha tak an neih theih nan theih tawp chhuah a ngaih thu a sawi a, thawhhona dang pawh a awm zel theih a beisei thu a sawi bawk.

He thawhhona thuthlung an ziahah hian skill development activity chi hrang hrang a inpui tawn turin thu an tiam a, LESDE department-in sawrkar scheme leh programme chi hrang hrang a lo buaipui ang a, KVIB hian KVI training centre leh thil dang hman theih turin a lo ruahman ang.

He hunah hian Pu C. Lalremliana, Chairman, KVIB leh Pu Malsawmzuala Ralte, Chairman, Mizoram Youth Commission ten thu an sawi bawk.