4124/2023-2024

LUNGLEI; the 12th March, 2024: Vawiin chawhma dar 11:00 khan DC Conference Hall-ah Kan hma lawka Lok Sabha Inthlanpui lo awm tur atana inbuatsaihna kal zelah, Sector Officer leh Sector police Officer te tan training buatsaih a ni a. Training hawnna inkhawm tawi hi Pi TT.Beikhaizi, Election Officer chuan kaihruaiin, District Election Officer leh Bawrhsap ni bawk Pi Ramdinliani,IAS pawhin tel puiin, trainee te chu rilru pe tak leh thahnem ngai taka zirtirna te ngaithla a, Lok Sabha Inthlanpui kan hmachhawn huna an mawhphurhna te tha taka an hlenchhuah theuh theih nan an thil zir te bel taka thiam ngei tum turin a chah hlawm a ni.

Vawiin training-ah hian Lok Sabha inthlanna muanawm leh felfai tak neih a nih theih nan Sector Officer leh sector Police Officer te mawhphurhna hrang hrang leh an tihtur leh tih loh turte zirtirna pek an ni.

Pu Beithlotha Nohro, DTO &DLAO leh State Level Master Trainer ni bawk leh Pu K.Beihmotaosa,Addl.SP ten resource person niin training hi an pe a ni.