4123/2023-2024

12th March 2024 : Land Revenue & Settlement Department chuan ram lei leh hralh chungchanga mipuiten harsatna leh buaina an pumpelh theih a hnuaia thu hi mipuite hriat atan an chhuah.

1. Ram hralh tur chu dan ang taka hralh theih a ni ngei em, dan ang taka ram pass neiin, thubuai hlabuai a awm em tih ram hralhtu tur leh a leitu turin an findiahin an chian hmasa ngei tur a ni.

2. Ram hralhtu tur chu dan ang taka ram hralh theitu a ni ngei em tih ram leitu turin a hrechiang tur a ni.

3. Ram leitu tur chu dan ang taka Mizoram chhunga ram nei thei a ni ngei em tih ram hralhtu turin a hre tur a ni.

4. Ram leitu tur chuan a ram lei tur awmna hmun dik tak a hrechiang tur a ni.

5. Ram inleina thuthlung (Sale Deed) chu Registration Act, 1908 hnuaiah a ram awmna bialtu Sub-Registrar Office-ah register tur a ni.

6. Sawrkarin mipuite hnena ram a pekin boundary pillar a phun ngei tur a ni a, danin a phut angin an ram chin pawh felfai takin an hung vek tur a ni.