1649/2022-2023

Aizawl, the 18^th August 2022: Vawiin chawhnu khan Vanapa Hall-ah Labour, Employment, Skill Development & Entrepreneurship(LESDE) Department chuan Central YMA leh Common Service Centre (CSC) te nen ṭangkawpin Pradhan Mantri Shram Yogi Maan-Dhan (PM-SYM), National Pension Scheme (NPS-Traders) & e-SHRAM’ scheme vawrh lar a nih theihna tur leh beneficiary ten an lo hriat chian theihna tura inzirtirna leh puanzarna hun  a buatsaih.

He hunah hian Aizawl khawpui chhunga Branch YMA tin aiawh pakhat ṭheuh bakah Common Service Centre (CSC) tin leh Trade Union te aṭangin mi 130 vel an tel a ni.

PM-SYM& NPS Traders leh e-Shram Portal hi Sorkar laipui hnuaia Ministry of Labour & Employment hmalakna a ni a, hei hian a tum ber chu; mahni kutkawiha eizawnna hna thawktute dinhmun chawikan leh hlawk zawka hna an thawh theih nan te, vanduaina leh chhiatna an tawh palh pawha hamṭhatna an dawn theihna tur leh hnathawktu a lo upat huna thla tin pension pek dan te a ni. Hamṭhatna dawng thei tur hian Veng leh khaw tina Common Service Centre (CSC) ah inziah luh a, ngaihven theih a ni bawk a ni.

Dr. Lalmuanpuii Pachuau, Employees State Insurance Scheme Officer leh Pu Lalduhkima, State Project Manager, Common Service Centre(CSC) ten heng scheme chungchangah hriattur pawimawh te an sawi a. Pu Lalmuanpuia Fanai, Deputy Director(L), LESDE chuan presentation pe in heng scheme in a tum leh hriatchian ngai laiah te inzirtirna hun a hmang a.Kalkhawmte Zawhna leh chhanna hun pawh hman a ni bawk. 

Central Welfare Scheme zirhonaah hian Dr. JT. Vanlalngheta, Joint Labour Commissioner, LESDE Department chuan khawmte lawmna thu a sawi a, Pu R. Vanlalngheta, Central YMA President leh Pu K. Lalhmingliana, Director cum Labour Commissioner, LESDE Department ten thu an sawi bawk a ni.