1993/2025-2026

Dated Aizawl: the 04 September 2025 : Vawiin khan Labour, Employment, Skill Development &Entrepreneurship Department changtu Minister Pu Lalnghinglova Hmar chuan, Lesde Conference Room, Mineco-ah Apprenticeship Portal chungchang Inhrilhhriatna Hun chu khuallian niin a hawng.

Hawnna puala hun hmanah hian khuallian LESDE Minister Pu Lalnghinglova Hmar chuan thusawiin, Mizote chu Central-a scheme awm angte chhawr ve tura inziah luh kawngah tan lak kan ngai hle tih a sawi a. kalkhawmte chu inziak lut tura midangte hrilhhretu nih tum theuh tura chahin, mahni kawng zawh theuhvah theihtawp chhuaha midangte tana chhawrnaawm tak nih tum theuh turin a fuih a. Sawrkar chuan entrepreneurship lama thalaite hmasawnna chu a ngaipawimawh hle tih sawiin, Workshop chu hlawk taka hmang theuh turin duhsakna a hlan nghal bawk a ni.

Vawiina hun hman hi, LESDE Department Director, Pu John Tanpuia chuan kaihruaiin, kalkhawmte lawmna thu leh Apprenticeship Portal nihphungte a sawi a. Pu Lalmuanawma, Deputy Director, LESDE Department hnen atangin PM Naps leh Apprenticeship chungchang presentation thlirho a ni a. RDSDE lam atangin presentation thlirho a nih hnuin, IIE, Guwahati aiawhte atangin thusawi ngaihthlak a ni a. Hei hi sawihonain chhunzawmin, LESDE Department Jt. Director, Pu T. Thangropianga chuan lawmthu sawiin hun hia khar a ni.