4762/2024-2025

Aizawl, the 22^nd March 2025 : Vawiin khan Labour, Employment, Skill Development & Entrepreneurship changtu Minister Pu Lalnghinglova Hmar in Confederation of Indian Industry (CII) hnuaia thalaite huikhawmtu peng Young Indians(Yi) North East Regional Council Meeting (RCM), Aijal Club a neih chu a hmanpui a. RCM ah hian Hmarchhak state hrang hrang a Young Indians Chapter hruaitu engemaw zat an tel a ni.

Pu Lalnghinglova Hmar chuan Young Indians chu thalai te huikhawmtu, pawl tangkai leh kawng hrang hranga a bik takin sumdawnna leh entrepreneurship lamah thalaite kawng kawhhmutu a nih thu a sawi a. Young Indians te thil tum leh hmalakna chu Mizoram Sawrkarin in thalai te tana hna a thawh tum dan nen a inmilh hle thu sawiin Hmarchhak state hrang hrang atanga thalai hruaitu kalkhawmte chu an khawtlang leh an state theuh hmasawnna atan ke pe zel a, hmahruaitu ni turin a chah a ni. Young Indians hmalakna pawimawh tak pakhat chu ram chhung thalai te tan inhriattawnna leh inpawhtawnna networking opportunities rem siamsak a nih thu a sawi tel bawk a ni.

e hunah hian Mizo thalai te thiamna leh an talen neih hrang hrang te sawilangin thalai te them thiam hrang hrang an neih leh zir theih nan te leh sumdawnna an tan theih nana hmalakpui chu Sawrkar ngaihpawimawh a ni, a ti. Infiamna sports chu skill chikhat nia a ngaihdan a neih te sawiin Sawrkar Laipui chu sports leh skill insuihfin dan kawng hrang hrang a lo dawr dante a sawi a, hei hi a taka hlawhtlin ngei a beisei thu a sawi bawk a ni.

North East Regional Council Meeting hi Young Indians Chapter Chair – Mizoram Pu Robert Rohmingliana’n kaihruaiin Young Indians Regional Chair – Northeast Pi Christine L Sailo leh National Vice Chairman Young Indians Pu Arun Rathod te pawhin thu an sawi a. Thupui hrang hrang 14 a Regional Mentors Presentation te ngaihthlak a ni a. Guwahati, Nagaland leh Mizoram Chapter atangtein hmalakna tha a neihte Best Practices sawihona hun te pawh hman a ni bawk a ni.

Young Indians hi India rama industry lama hmalatu pawl lian ber zinga ngaih CII hmalakna niin thalai te a bikin an thlur a. India state hrang hrang ah Young Indians hian Chapter 70 chuang an nei mek a, Member mi 7000 chuang an awm mek bawk a ni.