Nimin chawhnu dar 1 khan Chanmari Basket Ball Court ah Pu Joseph Lalhimpuia Vice chairman HPC Lunglei in Liandala Memorial Volley Ball Runing Trophy-cum-Chanmari Section YMA Sports kharna neiin Chanmari YMA Cultural Committee buatsaih ‘HNEMTU’ hla bu a tlangzarh nghal bawk.

Thusawiin Pu Joseph Lalhimpuia chuan  Pu Liandala hriatreng nana Chanmari YMA in khawtlang tana a thawhhona tha leh inpumkhatna tha neih theih nan Volley Ball Trophy kum 2007 atanga buatsaih chu an la kalpui zel avangin lawmthu a sawi a, Chief minister-in Lungleia duhsak avangin hmasawn na tam tak an dawn zinga thenkhat tarlangin Chanmari Hall sak nan a sum Rs. nuai 500 seng a sak tum a ni a, LKA leh PK School te chu chei that anih thu a sawi a, Chanmari vengchhung ah ngei HPC Office sak mek a ni bawk a ti. Lunglei By Pass Road (Pukpui to Sazaikawn) pawh Project siam a ni tawh a, Rahsiveng-ah Convention Centre sak tur pawh tan thuai tum a ni, a ti. Nakum Chapchar Kut-ah Zo Hnahthlakte in unauna tha leh in pumkhatna tha neih theih nan sawrkar in Cultural Troupe Myanmar ah tirh tum a ni,  a ti bawk. Vengchhung hmasawn nan tupawh lo sawrkar se thawhpui thiam theuh turin kalkhawm te a chah bawk.

Inkhawm hi Pu P Lalbiakzuala, Vice President-in kai hruaiin Lalramhluna, Secretary YMA in report a pe a, Section YMA inelna leh Volley Ball Final lawmmante a sem nghal a ni.