Nimin khan Pu R.Hmingthanzuala, Joint Director Art & Culture Department chuan Samlukhai Branch YMA Library thar a hawng.

He Library hi Raja Rammohan Roy Library Foundation (RRRLF) hnen a atanga Rs 600000 /- fund awm Art & Culture Department kal tlang a dawn hmang a sak a ni a. A dung 18ft. leh a vang 24ft. a zau a ni.

Hawnna inkhawm hi Pu K. Lalrothuama, Branch YMA President chuan a kaihruai a.Technical report hi Pu. Lalkaisanga Chairman Library Building Committee chuan a pe a ni. Khuallian Pu R. Hmingthanzuala chuan Library hi hmang tangkai a, finna zir chhuah nan a hmang ngei turin a fuih a. “Lekhabu chhiar tam chuan finna an chhar belh thin”, a ti a ni. He hun ah hian Pu R.Lalramliana, President; Mizoram Library Association, Mizoram State Librarian ni bawk chuan hmanpui in, Library enkawl dan leh Library hlutna te a sawi bawk a ni.

He hunah hian Samlukhai Branch YMA chuan Cheraw hmuhnawm takin an entir a, YMA Branch Zaipawl thiam takin an zai bawk.