No.2293/2020-2020

Aizawl the 22nd June, 2020: Nimin (22.06.2020) tlai dar 4:16 PM leh tukin zing dar 4:10 AM a lirnghingin Mizoram a sawi avangin tukin khan Prime Minister Pu Narendra Modi, Home Minister Pu Amit Shah leh DoNER Minister Dr. Jitendra Singh te chuan Chief Minister Pu Zoramthanga rawn be nghalin, Mizoram dinhmun an rawn ngaihven a. A tulna apiangah sawrkar laipui chuan Mizoram puih a inhuam thu an sawi a ni.

Lirnghingin a nghawng chhiatna hrang hrang thleng te thlithlai a, enfiah a, chhinchhiah turin Chief Minister Pu Zoramthanga chuan vawiin khan Champhai South bialtu MLA Minister Pu TJ Lalnuntluanga chu hma la turin a ruat a. District thuneitute nen hma lak nghal a ni.

Chief Minister Pu Zoramthanga chuan he lirnghing avanga chhiat tawkte chu mangang mai lo turin leh sawrkarin a theihna apianga hma a lak sak tur thu sawiin mipui a thlamuan a ni.

Nimin tlai a lirnghing kha 5.1 magnitude niin tukin a lirnghing kha magnitude 5.8 a na a ni. Hriat theih chinah nunna hloh leh hliam an awmlo a ni.

Attachment

  • Loading attachment...