No.2294/2020-2020

Dated Serchhip, the 22nd June, 2020 : Vawiin hian Serchhip District Chief Medical Officer Dr. Laldawngliana Sailo hnenah Chhiahtlang tlangval Samuel Lalrindika, Health Worker Training chhuak chuan Covid19 dona kal mekah a tul apiang thawk turin a inpe (volunteer).

Dr. Laldawngliana Sailo chuan, Samuel Lalrindika chungah lawmthu sawiin tangkai taka thawktute a tanpui theih tur thu a hrilh a. Koh mai theih tura lo inring rih turin a ngen a, Serchhip district a khunghran mek swab sample lak tur te hi vawiin lamah lak zawh an nih tawh dawn avangin hnathawh zel dan tur la ruahman leh rih tur a nih vang a ni.