2745/2022-2023
Dated Serchhip, the 21st November, 2022: Vawiin khan Serchhip DC Meeting Hall ah Disaster Mock drill naktuka buatsaih tur chungchang lo enlawkna leh zirhona Table Top Excercise buatsaih a ni.

He hun hi Pi Nazuk Kumar, IAS, Chairman, District Disaster Management Authority chuan kaihruaiin, Table Top Exercise chu naktuka Mockdrill buatsaih huna mawhphurhna hrang hrang neituten kan mawhphurhnate kan lo hriata, thawhhona tha tak hnuaia hma kan lak theih nana inhrilhhriatna a ni a. Mockdrill pawh hi chutiang bawkin, Serchhipin leilung chhiatna a tawh palha a tak taka kan chetchhuah dan tur inbuatsaihna leh lo inzir chhinna a ni, a ti a. Kan mawhphurhnate tha taka hriaa, hlen theuh turin a chah a ni.

Mockdrill buatsaih dan tur hi Serchhip khawpui lirnghing Magnitude 7.1 velin a sawi a, mi 25 aia tamin nunna chana, mi 50 chuangin hliam na tak an tuar mek kara chhanchhuahna hnathawh dan tur tihchhinna a ni dawn a. Zing dar 11 ah drill hi neih tan tur a ni ang.

He hunah hian Dr. ZD Lalmuanawma, DMS, chuan Serchhip District Hospital Disaster Management Plan sawifiahna a nei a, Pu Saidingliana Sailo, Addl. SP chuan Police Disaster Management Plan sawifiahna a nei bawk. Tin, Pi Vanlalduhi Ralte, Serchhip District Organiser chuan District Incidence Response System hnuaia mawhphurhna leh a chelhtu officialte chipchiar taka sawifiahin, heng an mawhphurhna te hi naktuka Mockdrill ah a takin an thawk chhin dawn a ni.